國家統計局昨日公佈上個月CPI，達8.5巴仙，雖較2月份8.7巴仙為低，但仍然好高，同官方全年CPI目標4.8巴仙相差好遠，通脹壓力咁大，宏調冇可能取消，消息一度令A股急挫，不過好快就彈番上去，睇嚟市場已消化消息，港股上個禮拜尾捱沽，但24900守得穩，今日就算低開都會有承接。
恒指服務公司調整成份股組合，兩出兩入，中鋁（2600）同騰訊（700）成為新貴，睇嚟有得炒。至於呢個禮拜炒賣焦點，應該係內地電訊類，網通（906）走勢對辦，成交又多，可以諗吓相關C輪。
網通C輪6916：網通上周五收25.5元，逆市升1.3%，短線睇28元，買C輪6916短炒，現價32仙，槓桿7.9倍（有效4.5倍）。
正股升上28元，6916可見47仙水平，如果正股跌穿24.2元，就沽出隻輪止蝕。