樂基兒、AmandaStrang、盧巧音和李蘢怡等，昨日在尖沙嘴設計鞋履。修讀藝術三年的樂基兒，揚言家中堆放有半百油畫功課、作業，急欲送給朋友騰出空間。Amanda則因為男友公幹，睡不慣空虛大床。
樂基兒、AmandaStrang及三位外籍模特兒，昨日在尖沙嘴為鞋履品牌Staccato行騷，又即場畫鞋。樂基兒等一身短裙、tubetop打扮，青春可人，其中一個穿吊帶裙的女模在台上坐下，演繹新鞋時，因動作太大，走光露點。
男伴教電腦
樂基兒自從修讀藝術課程，經常被邀在活動上做設計，昨日她也畫到一身油彩，她謂小時候都有畫白鞋，及剪爛白恤衫領DIY。今年畢業的她，正為儲存大批畫作、功課頭痛，她說：「我希望讀完書後，將啲homework送晒畀人，我讀咗三年，有成30至50幅畫放喺studio，Leon（黎明）都叫我快啲送畀人。」她謂現時家中反而存放不少fans送的毛公仔，多達40個。
對於有雜誌拍得樂基兒跟一男伴在dragon-i嘆茶，樂基兒大方說：「佢叫Alex，係識咗好耐嘅朋友，佢幫我補習，因為佢電腦好叻，Leon都識佢。」
粉紅鞋贈母
對於同行走光，AmandaStrang十分無奈說：「都冇辦法，因為我哋成日要換衫，好難件件衫都貼膠紙，我會suggest佢下次要貼乳貼囉。」
Amanda謂近期閨房寂寞，因男友到瑞士公幹三星期，她說：「好唔習慣，覺得張床好大，惟有攬埋兩隻狗上床一齊瞓覺。」她謂前日母親節，特別由香港速遞一對粉紅色的鞋到台灣，給媽咪作母親節禮物。
此外，盧巧音、陳嘉容、李蘢怡以及卓韻芝四人，則展出自己設計的鞋子。盧巧音透露忙於寫書在書展推出，問她可會寫情史，她說：「輕描淡寫啦。」
採訪：LawWaiMan
攝影：ChanChiLam
