徐天佑、方大同、謝安琪（Kay）、韓君婷、葉童和陳國熹等，前晚到中環出席新戲《電光滾石》首映。天佑近日忙拍電影《內衣少女》，稍後他將穿三角泳褲和一班女演員演出，他表示：「電影公司話會喺16號拍呢場戲，咁啱嗰日係我生日，當係同我慶祝。」片中他需要赤膊上陣，為此天佑近兩個月狂跑步操弗自己。問他拍攝時會否感到尷尬？天佑稱：「平常心啦！其實套戲賣點唔係喺bra嗰度，係有特別含義。」至於早前被拍到跟母親和一位女伴飲茶，天佑解釋女伴是他的中學同學，問到兩人是否有發展的可能？他說：「未呀，𠵱家以工作為先。」
韓君婷湯水增磅
日前被記者拍到與猛男夜蒲的韓君婷解釋說：「嗰日係成班朋友一齊，我𠵱家要專心做嘢，未有拍拖。」至於成功增磅，韓君婷表示全賴食中藥及媽咪的湯水，但她沒有刻意磅重，避免給自己壓力，不過醫生指她除了血糖稍低外，身體十分健康。
採訪：何永寧
攝影：仇志德