呢排大家吹水嘅熱門話題，都離唔開迎奧運同傳聖火，日前「Dee神」好風騷咁出任火炬手，其實佢係執二攤㗎，關仁聽聞廣告商一早係諗住搵「吸塵」，因為覺得佢形象入屋，加上最近又做咗爹哋，不過喺接洽期，有消息話吸塵話要閉關冇時間，令Dee神冷手執個熱煎堆。
不過，關仁聽聞其實吸塵冇得做火炬手，係因為吸塵一方面要廣告商揮個火炬手畀佢做，另一方面又好招積咁話自己唔恨做，廣告商見佢態度咁囂張，立即轉軚搵Dee神，大家傾得投契，就梗唔理吸塵啦！見到Dee神喺街度傳火炬咁醒神，吸塵真係激到生蝦咁跳，猛同朋友呻笨。
Textby關仁