五音不全嘅蛋糕妹「士丹福」，同佢同期嘅一班蛋糕妹，近幾個月個個彈起，但士丹福就除咗同「蛙王」嘅緋聞外，事業始終冇乜大躍進，最近仲迫住要同啲後輩𡃁妹齊齊着under拍片，十分無癮。模特兒公司前輩就話一早估到士丹福發唔到圍，因為佢個人懶到出汁。
原來當年士丹福仲係屯門屋邨妹，已經簽咗做女模，佢當年一味發明星夢，公司叫佢襯住冇工開進修學藝，唱歌跳舞畫畫，是但搵一項傍身，點知佢就闊佬懶理游手好閒，公司提議佢同幾個妹妹仔一齊夾檔，佢又恃住自己有幾分姿色藐爆人哋。最終拖咗幾年，士丹福先死死氣夾檔整餅，咁懶又自視過高，齋sell靚女，喺呢個圈又點可以生存得耐？
Textby關仁