薛家燕（好姨）獨力養育的三名子女都很孝順，長女祐珊現於美國工作，二子耀庭和幼女耀珠分別在美國讀大學，獨剩好姨在港，幸而耀庭前晚回港陪伴好姨，兩母子昨日到中環食飯慶祝，耀庭更送上在美國購買的頸鏈，𠱁得媽咪眉開眼笑。
譚倩紅享孫福
好姨96年婚變後復出，問她現在可有苦盡甘來的感覺，好姨說：「梗係有，當初要擔起頭家真係好辛苦。」耀庭體諒母親的辛勞，他承諾說：「我仲有一年多就大學畢業，到時我會返港工作，抽多啲時間陪媽咪，我仲希望快啲賺錢畀媽咪使。」
另一方面，現年78歲的譚倩紅昨日與丈夫、兒子和三名孫兒到中環慶祝母親節，三代同堂。譚倩紅說：「阿仔全家今日約咗我慶祝母親節，聽日正日就約咗個女。」年幼的孫兒代表父親給嫲嫲送上溫馨一吻，令譚倩紅笑不攏嘴，她說：「幾名孫仔孫女好孝順，一得閒就嚟陪我哋兩老食飯。」
採訪、攝影：比華利