郭可盈與林文龍拍拖九年、結婚四載，在這13個年頭裏，夫婦二人經歷過不少情變及婚變等是是非非，卻無損他們的感情，可盈與媽咪更異口同聲稱讚林文龍，可盈說：「文龍係一個好丈夫。」郭媽媽則說：「文龍係一個好女婿。」
計劃生兒育女
可盈自言以前是個很執着的人，絕對不能容忍被屈，故過去經常傳她與林文龍感情亮紅燈，她一定咬牙切齒澄清否認，她說：「入行之後成日有是非，我次次都會好激氣，不過久而久之我都睇化咗，覺得澄清都係嘥氣，𠵱家我好舒服，唔理呢啲是非，爹哋媽咪對文龍評價好高，話佢好識照顧我，又夠成熟，令佢哋好放心將我交畀佢，爹哋媽咪仲叫我要珍惜文龍，我已經係進步中，文龍係一個好丈夫。」
郭媽媽則說：「文龍OK㗎，係一個好女婿，以前個女好介意啲新聞，我都會關心吓佢，𠵱家佢都睇化咗。」
此外，可盈原來已開始準備當母親，郭媽媽也恨抱孫呢！她們笑言文龍更是恨做爹哋恨到流口水，但可盈覺得生兒育女責任大，現在首要是學會有耐性。