今屆英超要鬥到最後一輪先知曼聯定車仔攞冠軍，記得喺94/95球季都係咁，當時眼見愛隊布力般流浪作客輸畀利物浦1:2，個心凉咗半截，好彩韋斯咸幫到手摸和曼聯，布力般先攞個英超冠軍，而睇到SAS舒利亞同瑟頓齊齊高舉英超冠軍獎盃，真係超興奮。好記得跟住個球季，布力般件作客球衣好靚，紅衫黑袖，衫身印咗英超獅子logo，仲寫住94/95球季冠軍，而我梗係有件啦！
聽日英超煞科，就算韋根唔放水，曼聯都夠贏，就捧曼聯[-1]「客勝」。
讓球主客和：曼聯勝[-1]
心得：韋根夫添都唔夠曼聯砌
近5場往績：贏輸輸輸輸
青蛙仔
睇德國波同埋英國波大，大個之後攻埋日本波，兼且對日本藝能界幾有研究。