男人無恥，娶了兩女，在成群兒女面前向她提出性要求，不聽從就動粗，女人幾經困難，帶着三名孩子逃出虎口，生活捉襟見肘，一力把家門前一幅原本是垃圾棄置場的爛地，開墾為一片長滿瓜菜的農田，帶來新希望；面對未來許許多多個母親節，她只希望子女回饋社會，以及掃走父親帶來的陰影，相信世界仍然有好人。
彭女士，今年38歲，原本在家鄉的電力公司工作，收入不俗，十多年前卻被親人以數千元的價錢，「出售」予一名香港男人，「我當時想（逃）走，佢話我表姐收咗佢幾千蚊，如果我走，就報派出所拉埋我，嗰度啲公安係咁㗎，唔理你死活。」
被賣來港 才知一屋兩妻
無可奈何之下，女人跟男人一起，誕下三名孩子，一直在內地生活，直至2004年來港，發現對方原來已有妻子和兩名小孩，一個公屋單位住了八個人，男人在孩子面前向她提出性要求，她不答應，男人發火一手揑她的頸，正室也幫手拳打腳踢。
男人是地盤工人，好酒，動輒對孩子動粗，彭忍無可忍，決定離開，搬到木屋居住，靠三個小朋友每月4,300元綜援金過活，「屋企冇個男人，屋頂漏水、爆水喉、就算拉電線，都一個人自己搞掂。」
為了省錢，她四年來沒買過新衣，病了也不看醫生，「我都想做嘢，但係我拎雙程證做唔到嘢，有啲社工叫我一係繼續攞行街紙，一係帶埋三個細路返大陸，但佢哋唔係大陸人身份，返到去無保險，亦都無書讀。」
雙程證要續期，社工要求她把孩子暫託保良局，當時最小的孩子只有一歲，「我去嗰陣，見佢哋個個喊到儍晒、呆晒，唔肯食嘢、嘔，同我講，『媽咪，入面全部都係孤兒，我哋都唔係孤兒，阿爸唔要我，點解阿媽都唔要我？』」
母子相依 最憎恨父親節
既然不能工作，她把爛地變耕地，種了甜麥菜、油麥菜、番薯及瓜，自給自足，「有時我都問自己，咁辛苦嚟做乜？但有時我病咗，個大仔會識得叫啲細佬妹唔好嘈，斟杯水畀我，幫我按摩吓，好乖，佢哋係我好大嘅動力。」
在內地成長的她笑言，「母親節真係聽都冇聽過，只係顧住生活，同埋落雨間屋有冇漏水，佢哋同我講，最憎父親節，我話，係你個老竇唔好，呢個世界仲有好人。」
記者 張嘉雯