還記得上季英冠附加賽，小弟有運貼中整個系列全部5場比賽嘅讓球盤，希望今屆再接再厲，為波友提供好料。頭炮周六準決賽首回合由季尾愛隊、排第5位的水晶宮迎戰第4位的布里斯托城（球賽編號：星期六12；無綫收費電視第998台及now898台今日7:15pm直播），足智彩竟開出主隊極硬淨嘅1.85倍單W，更添我的押注信心。
唔怕追水晶宮寶尾
言歸正傳，水晶宮在去年11月由火爆領隊禾諾克掌帥後，戰績亦穩步上揚，由降班線到最後有機會打升班附加賽，總計最後14場聯賽只嘗兩敗，被譽為英冠formteam（最弗球隊）；要點出搶眼球員，多不勝數，有剛續約嘅門神史巴朗尼（近6場主場失1球）、年輕中前場攻擊球員域陀摩西斯、索亞里斯及借得車仔嘅好波之人史葛冼佳亞，還有富經驗的箭頭摩利臣，不少前列球隊皆在他們身上吃過苦頭，今次面對異軍布里斯托城；我貼波向來唔鍾意太短線，故主張追旺唔追弱，足球冇所謂追唔追寶尾，有實力者長線捧場必可圖利。
「布城」季尾走晒樣
反觀對手布里斯托城，以平庸班底今季升上英冠即打入前列，難能可貴；不過這支一度盤踞榜首、有機會直升嘅球隊，在季尾開始滑落，更錄得作客4連敗；事實上，個人對其升班決心存疑，俗語話「冇咁大個頭，唔好戴咁大頂帽」，當起兵遇着弱家，勝負已露端倪，唯一擔心係水晶宮非主攻球隊，個人保守啲估贏1:0、2:0。
另外，雖然法國班霸里昂近期唔益人，但周六主場贏第3位南錫的話，即提早封王，鬥志必堅；這個一向利「細」嘅聯賽近期頻開冷門入球「大」，2串1博埋護級嘅巴黎聖日耳門與聖伊天鬥攻開「大」。
近5場往績：贏輸贏輸輸
蘋果波神
今季唔得，咪下季嚟過囉！