唉，母親節人人睇英超煞科，試問有幾多人會像藍鑽石這種意甲死硬躉一樣，還關心國際米蘭今晚主場對錫耶納將會封王？既然不少波友只會睇半場，索性推介國米1.55倍半場勝，收錢後了無牽掛轉台。（球賽編號：星期日23；有線61及64台今日9:00pm直播）
1.55倍擦鞋？老實，總好過博「讓球主客和」1.53倍的「主勝」。國際米蘭必須於餘下兩仗取3分，今仗主場對乏戰意的錫耶納想必是最佳時機。畢竟煞科戰賽序是作客拚死護級的帕爾馬，連班主莫拉堤都表示擔心，為免屆時有任何閃失，最好快刀斬亂麻盡早落實封王。
只要國米踢回上周米蘭打吡下半場中後段的水準，挾告魯斯已連續3場入波的腳風，想不出有失分之理。連帶告魯斯在內，錯過上周中對拉素的甘比亞素及韋拉，今仗都會復出。近10場聯賽，國米有7次開[半勝]，比率高，值博率確高於吼國米要贏兩球才得到的1.53倍「主勝」。
錫耶納半場常落後
錫耶納近8場只輸過1場，但正因去仗主場勇挫祖雲達斯，贏強隊兼已成功護級，今季再無任何目標，戰意肯定不及國米。再說，錫耶納近4次作客聖西路鬥國米，有3場吞蛋，今仗又是輸少當贏格。
錫耶納今季大部份場次都表現慢熱，今季意甲輸過12場波，當中有11場是半場已經落後，這個屬性加強筆者捧國米[半勝]的信心；求賠率而想吼波膽的話，個人認為可向2:1（10倍）、3:1（12倍）埋手。文：藍鑽石
星期日23
國際米蘭vs錫耶納 3：1
半全場：主/主
盤口：國際米蘭[-1]
讓球主客和：H主勝