國際球證西村雄一於世界球壇薄有名氣，曾執法多場重要賽事，不過這位球證出名是「麻煩友」，最近更成為焦點人物，淪為笑柄。
早於日乙第6輪，當時甲府風林門將櫻井繁侵犯大阪櫻花前鋒卡拉卡，但西村雄一卻向風林後衞池端陽介出示紅牌，最終池端陽介張紅牌當然打甩，西村雄一亦被罰停止執法一場。
西村雄一叫球員去死
當然，聖人都有錯，何況現代足球速度越來越快，球證執法更加困難，但西村雄一於日聯第9輪FC東京對三神比賽又成為眾矢之的。三神後衞上本大海賽後作出投訴：「球證叫我靜啲，唔好再抗議，唔係去死！」好多在場球員都話曾聽到類似說話，西村雄一出位言行令佢廣受批評。日本足協及日聯即時介入調查，但足協秘書長田琼幸三卻護短：「西村雄一否認講了個死字，佢係叫個球員踢波至真！」
不過，我就好奇怪，點解日本足協翻查錄影帶，可以「聽」到個球證講的說話？難道請了唇語專家解話？為何有這麼多球員突然改口供，而又只肯匿名作證？雖然日聯規定球員不可以批評球證，但日本是民主社會，只要有真憑實據，又何須隱瞞真相？
日本足協維護西村雄一，無非是不想他成為另一位吉田壽光，後者於06年世界盃亞洲區外圍賽烏茲別克對巴林時犯嘅「技術錯誤」，他亦失去世界盃執法機會，西村雄一將被派執法2010年世界盃，難怪日本足協極力維護。