一、認祖歸宗，認定祖國係阿媽的內地憤青，以後「問候你老母」就唔使擇日子，隨時隨地，互相媽媽聲。
二、祖國是你母親，其他人有節哀順變時，你永遠冇。點解？祖國萬歲嘛。
三、祖國是媽媽，百行孝為先，請你記住，千祈別問你阿媽，「經手人」係邊位。
四、既然祖國是阿媽，你唔好妄想，自己是叉燒。否則，就是辱國。
五、睇歷史，祖國阿媽似乎唔係正印，到底唐宋明清與民國邊個才是大婆？論資排輩，你位祖國阿媽，睇怕只係十四奶咁上下。正式來講，閣下只算是私生子。
六、祖國阿媽大把錢，你有冇計劃，將來爭產？
七、阿媽係女人，凡女人都中意減磅瘦身，俾西藏獨立，冇咗成塊肉，乜唔係瘦身最佳方法咩？
八、阿媽打仔唔手軟，祖國阿媽打仔很特別，不會說你曳曳，而係告你顛覆煽動；人家打屁股，媽的，你就洗定屁股踎監吧。