巴塞隆拿「冧檔」！被皇家馬德里在國家打吡戰蹂躪得體無完膚！巴塞負1:4不但輸得肉酸，亦是繼94/95球季在巴拿比奴以0:5敗走後，輸得最慘痛的一役。那邊廂維拉利爾全取3分，使巴塞錄得近年最差聯賽成績外，更失掉直接參戰歐聯資格。畢傑
皇馬提早3輪已宣佈成功衞冕，外間一直估計這支31次冠軍隊會在國家打吡戰後開慶祝派對；果然，皇馬真是講得出、做得到。而原本累積足夠牌數要停賽的軒斯，因上訴打甩牌而可以復任正選，間接令主隊防線更加穩固，亦是巴塞難以入球的其一主因。
希古恩雲佬掂波即入波
皇馬早在13分鐘已揭開派對序幕，先有魯爾禁區頂施射先開紀錄，亦是其今季第18個聯賽入球；其後洛賓頭槌錦上添花，領前對手2:0返更衣室。
正行大運的皇馬果真順開有條路，當就連後備入替的希古恩及雲尼斯達萊第一腳掂波，便分別近門建功及射入12碼，便知要大炒對手一場。巴塞及後靠亨利的妙射破蛋，總算挽回一點面子，但最終仍以1:4大敗在皇馬腳下。
巴塞淪落踢歐聯外圍賽
其實，巴塞於前季曾作客大勝皇馬3:0，但亦試過在04/05球季以2:4敗走巴拿比奴，而今役先落後4球更是輸得肉酸。要數近季更大比數差距，便要追溯至13年前（94/95球季）皇馬主場大勝5:0一仗。
賽後皇馬教練蘇斯達說：「誰說我們奪得錦標後會放軟手腳？己隊的比賽風格一向是，只要看見入球機會，我們定必把握機會擊潰對手。」由於維拉利爾同日作客2:0擊敗維爾瓦，肯定可取得次席位置。換言之，巴塞來屆須參戰歐聯外圍賽，直接宣佈今屆「冧檔」！
巴塞近季3大盃賽成績
球季：07/08
聯賽排名：*第3名
歐聯成績：4強
西盃成績：4強
球季：06/07
聯賽排名：第2名
歐聯成績：16強
西盃成績：4強
球季：05/06
聯賽排名：冠軍
歐聯成績：冠軍
西盃成績：8強
*截至08/05
你的意見?
●巴塞隆拿今屆失敗的主因是甚麼？
請上 http://hk.myblog.yahoo.com/appleballmen/〈球蘋家〉留言