【本報訊】街波旋風又殺到香港！NBA季後賽開打後，將籃球迷的熱情推到頂點，你有否因為未能現場睇波而覺得爭少少？一眾由And1街頭籃球手捲起的旋風，將於本月17日吹襲灣仔修頓室內場，屆時肯定能夠滿足fans現場睇好波的願望。
Professor插花出色
繼06年後，一眾And1街波球星再次來港獻技，當中最出名的，當然是於紐約街場聖地RuckerPark稱王的「街頭佐敦」HotSauce，至於另一位「白人插花王」Professor亦以出色的插花技術，在美國街場無人不曉。亞洲代表方面，領軍的是「中國街波王」吳悠，06年他挑戰美國And1隊，甚至以假動作晃過HotSauce，相信球迷仍記憶猶新。可惜的是06年有份出戰的「永倫孖寶」香振強及周迎堅，都因要備戰甲一聯賽而無暇出賽，令球迷無緣重溫中港街波王聯手出戰的精采場面。
今次表演賽將由本月16日起，一連出訪4站，包括上海、香港、曼谷及馬尼拉。香港站將於本月17日假灣仔修頓室內場舉行，門票現已公開發售。
麥花臣明公開選拔
此外，主辦單位將於周六1:00pm至6:00pm，在旺角麥花臣街場舉行公開選拔，從中選出表現最出色的兩位球員，一起參加表演賽。想試一試自己身手，落場挑戰街波球星，就千萬不要錯過今次機會。
街球巨星表演賽售票詳情
日期：17/05（6:00pm）
地點：灣仔修頓室內場
票價：$480、$280、$180
門票發售： http://www.hkticketing.com
訂票電話：31288288；25721017