最近屋企裝修，最煩係扑走廚房或浴室的舊磚換新磚。瓷磚款式多，究竟邊啲合浴室邊啲啱廚房呢？據B&Q油漆及瓷磚部售賣員Raymond表示，浴室和廚房磚所用物料大同小異，買時揀款就得。「不過要留意，廚房不宜用多凹凸紋的磚，因坑紋易藏油迹難清洗。鋪浴室磚前要先鋪防水膠沙及做防水保護膜，可減少水浸問題。」近年瓷磚流行馬賽克圖案，色彩和選擇多元化，部份還混入金箔，豪氣十足。Raymond推介剛到港的蛇紋圖案，夠潮又啱晒我呢啲愛animalprint嘅潮人。
揀啱款後，究竟瓷磚條數又點計？Raymond就話先將牆的闊高相乘計出總面積，並依據牆磚的尺寸計出所需的磚塊。
例：牆身200平方呎，磚每塊1.5平方呎（30cm×45cm或1呎×1.5呎）
牆身面積/牆磚面積=200/1.5=133塊
記者：區佩嫦
把森戈瓷磚/填縫超能防污劑噴在磚身上，可將磚面污迹油迹形成水珠狀，方便清潔，還具防水功能，每3星期噴1次。$109/800g
查詢：36511000
