前幾日華華講過，美國聯儲局前主席格林斯潘同老婆，雙雙「捐出」私人時間，交畀個慈善網站拍賣，喺限期前出價最高嗰位，就可以同佢兩公婆喺華盛頓嘅四季酒店HighTea。
個拍賣今日（香港時間8號）凌晨夠鐘，華華趁截稿前再上個網站度睇一睇，最高叫價仍然係1.6萬美金，即係大約12.5萬港銀。
睇番個叫價紀錄，4月3日一開始拎格老同老婆Andrea出嚟「賣」，當日就已經有位叫Earthman嘅網民，用1萬美元落標；但第二口價，就要喺4月8號先出現；呢口價之後，到5月2日先再有人承價，家吓就由署名Marat嘅人士，以1.6萬美元暫時領先，但最終Marat係咪真係可以孖住格老兩公婆飲茶，見報之時，應該已經有答案！