馮德倫早前借用周星馳經營的商場拍攝自導自演的廣告，要求甚高的他，連女主角行過門口的鏡頭也NG了數十次，一絲不苟。他也為出鏡一早做準備，事前不停做面膜，相當認真。
馮德倫（Stephen）為護膚產品Neutrogena擔任廣告導演，日前借用周星馳經營、位於尖沙嘴的gi商場拍攝，找來內地模特兒梁爽任女主角。
冇刪Edison戲份
單單一個頗簡單的女主角經過商場門口的鏡頭，由於Stephen要求高，拍了數十次也不滿意，頻頻皺眉，還親身教女主角做戲，難怪他謂拍廣告有難度，他說：「第一次拍護膚品廣告，呢個一分鐘嘅廣告喺內地播，我都會出埋鏡。為咗拍呢個廣告，我比平時更貪靚，用咗好多塊嘢撻落塊面度，我平時一定唔會做mask，最多都係用洗面奶。」
今次Stephen借商場拍廣告，周星馳一口就答應，還力邀他租用商場開舖做生意，Stephen說：「我有諗過搞間舖賣魔術產品，但搞生意唔係咁簡單，要考慮清楚先。」
由Stephen執導的電影《跳出去》一直未通過內地的電檢審批，令到上映無期，有傳影片刪剪了陳冠希（Edison）的戲份，對此Stephen說：「部戲的確等緊內地審批，仲未知幾時上到，但我冇cut過Edison嘅戲，原汁原味攞去審批，而且我冇接過order要咁做，星爺睇完片都話滿意。」他指自淫照事件後，未跟Edison聯絡過。
談到早前Stephen跟前女友莫文蔚一起吃飯，令舊情復熾之說甚囂塵上，他對此說：「冇啲咁嘅事，大家係好朋友，當然會食吓飯啦。」
採訪：魯萍
攝影：葉君海