傅穎（Theresa）、Angelababy、郭可盈、琦琦和馬詩慧等，昨日在尖沙嘴出席RebeccaTaylor開幕禮。昨日有報道指林建岳兒子林孝賢狂用短訊追傅穎，又找房祖名幫口，兩人更曾撐枱腳食飯。
Theresa昨日不斷強調與林孝賢只是朋友，謂有SMS通知他，她說：「好朋友嚟，識咗好耐喇，成兩年喇。」可會接受對方追求，有沒有好感？她說：「朋友咋，咁做朋友一定有好感。」她讚林孝賢孝順和靚仔，更為對方多女伴解釋指朋友一定有男有女。問Theresa可想嫁入豪門，她說：「完全冇諗過，我哋冇拍拖，都冇諗過發展。」有沒有約會撐枱腳？她說：「嗰段時間我錄音，等緊歌未到，襯空檔搵朋友食飯，我哋食過幾次飯。」
同場郭可盈右手手腕受傷，她表示日前在家吹頭，風筒着火灼傷。有傳她與林文龍感情轉淡，她反駁說：「13年雖然長，但感情係冇淡，我係一個浪漫嘅人，會keep住團火。」她又自稱現時97、98磅，否認外傳她厭食症之說。
採訪：顏英儀
