王菲生咗兩個女後，一直想追多一個仔，但佢一直順其自然，唔係好心急等生仔，不過最近內地有報道話阿菲一個好朋友唔小心漏口風，證實阿菲有咗四個月身孕。對於呢個報道，馮仁昭噚日求證佢嘅經理人陳家瑛，佢話：「我就冇聽過啦！呢幾日同佢通過幾次電話，如果佢有咗，唔會提都唔提，仲走去食麻辣火鍋，我覺得可能性唔高囉！」