鄧穎芝前晚在太子一間酒吧，為歌唱比賽擔任評判，兼任表演嘉賓。她表示：「我好少喺酒吧演出，估唔到會喺呢度舉行歌唱比賽，我以為酒吧只係畀人飲酒同玩咋！至於今次嘅酬勞我仲好滿意㖭。」
內地客較熱情
講到飲酒鄧穎芝自問不嗜杯中物，絕對稱不上是飲得之人，前晚在酒吧中有不少男性酒客，問她可會擔心被人借醉行兇呢？她說：「香港嘅酒客已經好斯文，不過內地嗰啲就會過份熱情，我試過喺內地登台，啲觀眾會衝上台，但係佢哋只係熱情啲，未有手多多博懵，加上現場有保安攔住，都算幾安全，至於今晚我嘅妹妹都有帶朋友嚟捧我場。」
採訪、攝影：胡比