無綫前監製蕭顯輝早前喺家中跌傷失救逝世，佢嘅家人噚日喺紅磡萬國殯儀館為佢設靈，江華（小圖）、羅樂林、張可頤、廖啓智夫婦、尹揚明同羅莽等噚日都有去鞠躬致祭。江華話佢入無綫第一套劇《苗翠花》就已同蕭顯輝合作，佢話：「我知佢之前中過風，佢做過好多出色嘅事，啲劇都好好成績。佢應該最放唔低個女，因為仲好細個。」