薛凱琪（Fiona）入行以來緋聞不絕，她前晚亮相《蘋果》網站直播節目《娛樂開CHAT》接受懷鈺訪問，大談擇偶條件，她說：「講大話，No；唔孝順、No；最緊要係可以溝通。」
提到緋聞男友房祖名和方大同，Fiona大讚：「佢哋係少講大話同可信任嘅人，不過佢兩位只係我嘅好朋友。」有讀者透過視像追問Fiona的感情狀況，更支持她可以盡快找到心愛的情人，Fiona聽到非常感動。
Fiona早前獨自在台灣工作，除了學會獨立照顧自己，也說得一口流利的普通話，所以她現在不介意選擇香港以外的男生拍拖，Fiona更大讚台灣男生讓人感覺較溫柔。大家可登入《蘋果》網站 http://ent.appledaily.com隨時重溫節目。
採訪：葉雪
攝影：陳順禎
化妝：JessicaChan
髮型：薛凱琪（JoLam）懷鈺（MattChiufromXENTERJUT）
愛情大過天--沙田 Ivy
Ivy：阿Fi（Fiona）新碟最鍾意邊首歌呀？
Fiona：呢個唔係行，真係隻隻歌都鍾意，如果真係要揀一隻，我會揀感動啲嘅《我不需要Tiffany》，我之前都有講過有兩首歌我會感動到喊，一首係《小黑與我》；第二首係《給十年後的我》，而第三首會係呢首，我記得我收到份歌詞，喺屋企練緊時，啲眼淚好似洗衣機咁，喺眼度「啷」，我覺得周耀輝寫咗我對愛情嘅睇法，佢寫得好靚，好似寫緊首詩咁，入面寫咗好多比喻，寫咗好多女仔對愛情嘅睇法，愛情與麵包，咁梗係愛情啦！
夢想開畫展--大埔 阿廷
阿廷：你咁鍾意畫畫，有冇諗過要開畫展？或者開一個品牌呢？
Fiona：想呀，同埋我喺大學嗰陣係讀裝置藝術，所以夢想係一半係畫，一半係裝置藝術，因為裝置藝術好好玩，又係我一生人當中最愛嘅其中一樣嘢。品牌呢，我就未諗過。
鯨吞臭豆腐--粉嶺 阿樂
阿樂：頭先聽阿Fi講鍾意食臭豆腐，香港同台灣邊度嘅好食啲？
Fiona：我鍾意食香港嘅，因為臭啲同可以落甜醬同辣醬，最多試過一次食五件。
阿樂：你唔怕臭咩，你個口唔怕臭咩？
Fiona：我唔怕臭，我個口本身香嘅，我腸胃本身都好好，食完之後噓出啲口氣，就好似空氣清新機咁，就會香番晒。
