林敏驄（圖）噚日喺尖沙嘴為今晚舉行嘅《勁歌金曲》綵排，台灣著名音樂人小蟲都有嚟撐場，原來阿驄同小蟲老友鬼鬼，今次阿驄推出嘅新碟中，有一首歌係小蟲有份創作，佢大讚小蟲用咗一晚時間為佢改歌，令佢好感動，阿驄話：「我喺香港創作咁多年，都未見過大師，因為我自己係大師，𠵱家同佢合作過，先知台灣有唔一樣嘅嘢，令我從中學習。」