幻滅
方卓如是龔耀輝，全行都知，最初知道時感覺幻滅、幻滅、再幻滅，終於等到他自爆，以找晦氣的姿態約訪問，「真係好對唔住，我都知欺騙咗人哋感情，有啲fans隨時可能喊足三個月。」
放工後得閒飲Martini，假的；lunchtime去PureFitness練大隻，假的；訪問前一天凌晨5時才爬上床，黑眼圈大過樂樂盈盈，所謂qualityoflife的元素，都不過是他的幻想。
整件事最最最真的，是他訪問約了在Isola，以及過程中，不停提《WestWing》。
龔耀輝並不是未試過被騙，當他知道「衞斯理＝倪匡」、「韋家晴＝陳志雲」的時候，他說，「嗰刻真係想揑死佢哋呀！」
我們，又何嘗不是呢？
年輕才俊？
方卓如說過，小時候的志願是當上巿公司主席，龔耀輝說是認真的，「即係做乜嘢呢？」，「好似李嘉誠咁囉」；「你咁細個就知上巿公司主席做乜㗎嗱？」，「飲飲食食囉，邊個唔想，搵錢囉，係咁簡單㗎咋。」
龔耀輝小時候家住長沙灣，父輩是警察世家，小學念德信學校，中學念九龍華仁，「你又係九華仔？」，「係呀，從政個個都係九華。」典型發憤向上的故事。
「自爆身份係咪為咗選舉？」，「話完全唔係就唔敢講，不過揚咗出嚟費事煩啫。」
再問為何要從政，龔主動提起近日鬧得沸沸揚揚、可以媲美《DiscoveryChannel》的獵奇式節目《一百萬人的故事》，「我覺得佢哋好慘，真係睇到喊晒，啲老人家真係好無助，我哋呢啲生活得唔錯嘅人，唔見得好多呢啲嘢。」
「吓！乜你唔係話你喺長沙灣長大咩？」，「係呀，我細個見到啲乞兒已經好想幫人。」（又話唔見得好多呢啲嘢？）
香港會計師公會理事、三十會成員，38歲的龔耀輝，筆下賣的，是年輕專業人士的生活方式，從政，因為想挑戰自己，「你有冇睇《WestWing》？入面啲情節真係好犀利，從政嘅，都係最叻嘅人，但係香港最叻嘅人都係從事金融業，三十會入面就有好多叻仔。」
他知道自己的魅力，出選會計界，要搶的，就是年輕選民的票，家人對他的唯一忠告是，「小心啲，唔好禍及妻兒。」所以，有關龔太的，不說。
解話篇
方卓如的故事不僅是他個人的精神鴉片，其筆下的辦公室戀事，猶如都巿枯男萎女嘅荒漠甘泉，但甘泉夢始終要醒。
菲力偉──真有其人，但其人本身都不知道自己就是其人，「因為佢未必有時間睇報紙。」
杜比──真有其人，太出名，說了會抄家。
雲妮&美蓮──真！有！其！人！「都係有個藍本嘅，識嘅人嚟嘅。」，「咁個藍本邊度嚟呢？」龔低頭沉思撫腮作思考狀，「死人㗎喎！」嘩，死人咁嚴重，記者真係擔當唔起，囉。
網誌上的滑雪相──假的，隨便在網上找回來。
後記
《分拆方卓如》出到第二版，新版多了一個神秘章節，由其中一位孔少林所撰，場景是10年後：卓和美蓮都結了婚又離了婚，雲妮再一次離開卓，二人臨別依依，在辦公室內繾綣，而當時，卓是財經事務局局長……
龔耀輝，野心豈止是議員，他要證明，自己就是叻仔，要爬到那個位置才算是叻仔？天知道。
記者 張嘉雯