前晚演出奧運騷的歌手共有34組之多，由晚上8時半唱至11時半，其中大部份為新人，可能觀眾覺得沉悶，到音樂會中段時已陸續離場，直至最尾部份，鄭希怡、衞詩、農夫及泳兒等表演時，大半個場都是空凳，到壓軸演出的衞蘭出場時，更只剩下四分一觀眾，場面冷清。
大感愕然
衞蘭出場前得知大部份觀眾已離場，她瞪大眼表現愕然，在旁的衞詩說：「吓？走晒喇？點解呀？」衞蘭又問：「遲咗開騷咩？係咪8點開騷？太多節目呀？我未出場喎！」問她覺不覺得壓軸出場反而不好，衞蘭說：「我冇諗呀，得一個定十個人，我都冇所謂，唔會唔開心。」太少觀眾會否很不是味兒？衞蘭說：「我鍾意唱歌，咪當自己唱囉，唔多人或者係好事，啲小朋友生性早啲返屋企瞓覺，聽日返學呀。」