余文樂主演嘅電影《軍雞》上周六喺日本上映，噚日佢就同有份演出嘅格鬥家魔裟斗（右）以及漫畫原作者橋本以藏（左）到東京一間戲院同觀眾見面。余文樂自爆拍攝其中一幕被魔裟斗打中嘅鏡頭時，被導演大讚演技逼真，但其實佢真係俾魔裟斗嘅拳頭打暈咗30分鐘，魔裟斗就話當時其實已經就住手啦喎。