《香港小姐面試實錄》昨晚進行錄影，節目前眾佳麗會見評判，「的骰桂綸鎂」馬賽、姚婷芝（AngelaYiu）和梁凱琳已深得多位評判歡心。評判之一的楊崢表示馬賽參選港姐原因是因為北京奧運有馬術比賽項目，令她留下深刻印象。
入圍港姐昨午12時半齊集調景嶺，乘無綫專車前往將軍澳電視廣播城參與《香港小姐面試實錄》錄影，但「高額崔智友」梁凱琳遲了足足25分鐘，至於「𡃁版法拉」高海寧也遲到10分鐘。其中「高清寶寶」湯傲欣（DecemTong）拿着劍袋，表示要表演劍擊說：「我唔係好叻，但之前學過。」
一佳麗發燒退選
由於「脹面范姜」因發燒而退選，故只剩下17位佳麗參角逐，評判則有楊崢、AmandaS.、李丞責、麥玲玲、鄧達智、王晶、楊婉儀、化妝師RickChin和林敏驄，而昨晚錄影分成兩集，於今晚及本月12日播出。據港姐副統籌陳紫蓮透露，昨日佳麗由化妝、髮型以致服裝全由自己負責，除了考她們才藝及啖吐外，更會有「辯論正反方」環節，然後淘汰7位佳麗，10位候選佳麗將聯同海外兩位佳麗合共12人參與7月19日舉行的港姐決賽。
昨日不少佳麗均性感上陣，包括張舒雅和「白面茹芸」朱浚蔚等等，而梁凱琳原來是韓國人，廣東話不太流利。當中又以馬賽、張舒雅、AngelaYiu較得評判歡心，楊崢說：「第一眼覺得最sharp係張舒雅，AngelaYiu就好坦白咁講話選港姐係想TVB簽佢，而馬賽好得意，我問佢點解參選，佢話奧運有馬術項目，自己個名有關。」
鄧達智則大讚張舒雅身材高䠷，RickChin讚高海寧皮膚靚，麥玲玲大讚馬賽說：「雖然細粒咗少少，但入娛樂圈機會大，佢原本姓施，後來刪咗個姓叫馬賽。」大會昨安排大合照時，林敏驄一度要被傳不和的李丞責和麥玲玲握手，二人最後也就範。
採訪：卓寶花
攝影：林德雄
