汪明荃(右)同羅家英(左)噚日去到天水圍嘅天瑞體育館出席「小小五四運動會」,汪阿姐啱啱做完奧運火炬手,所以佢特登帶埋佢支火炬一齊嚟到,畀啲小朋友開吓眼界,等佢哋有機會近距離接觸呢支人人都想搶走嘅火炬。講開無綫播奧運節目,但就俾人彈話班藝員做得唔夠專業,家英哥覺得呢啲係香港藝人嘅風格,冇乜問題喎!