母親節將至，又是子女們盡孝道的時刻，張羅禮物，還要為當晚的例牌晚宴費心。做人子女的，雖然未必一定要豪花一筆、獻盡珍饈百味才能顯示誠意，但有食肆推出派頭十足的皇后宴，獻上最頂級的鮑參翅肚，亦有食肆為靚媽咪提供美肌骨膠原宴，要豪要靚悉隨尊便。
記者：區佩嫦
攝影：譚盈傑、王文忠
Model：JoJo、Toby、Oscar@StageModels
天九翅搵足3個月
這席只供6位享用的鮑參翅肚皇后宴共10道菜，價值$68,000，平均消費每人$11,000，並非貴得無道理。因為利寶閣總廚何本興師傅花了數個月時間設計菜式，揀選貴價食材。「席上的鮑參翅肚全是名貴材料，好似這塊約值10萬、重6斤的天九翅，便花了數個月時間才找到，發起後只夠供9席享用。」此外，八頭網鮑、遼參、老鼠斑、花膠等全是唔靚唔用，遼參每斤值千多元、成呎長的花膠王用來燉湯、兩斤半的深海老鼠斑亦是可遇不可求。
其他菜式配搭亦見心思。「福山餃子選用煙韌的山東皮，加上桂魚肉碎及馬蹄碎，手工繁複；而特色前菜集齊酸甜爽滑香口，必定令媽咪滿意。」若你唔介意花錢𠱁媽咪歡心，謹記2日前預訂。
鮑參翅肚皇后宴每席$68,000（6位用）
霸王天九翅
天九翅屬最頂級魚翅，而足12両的天九翅，翅身粗如芽菜，用上湯煨至入味，如食意粉般「啜」入口。
五子伴太后
大廚把關東遼參扣至入味後，再配濃厚蠔油芡汁，以提升鮮味。
銀羅映月園
選用日本八頭網鮑，每隻鮑魚超過3吋長，師傅以新鮮蠔水燜至入味，口感煙韌細膩。
亁隆下江南
分別有酒燒鳳翼、紅燒珍菌、梨香玉子及芝麻芹絲等4道前菜。
利寶閣（25770888）
地址：西九龍奧海城二期商場UG01號舖
骨膠原進補
無論是3歲還是80歲，沒有一位女士不愛靚，與其花錢在護膚品上，試將養顏極品──骨膠原吞進肚裏。唐閣為天下母親設計了共8道菜的「美肌御膳」，以鮑魚、海參、山瑞裙等含大量維他命E、骨膠原、蛋白質食材入饌，務求令媽咪越食越靚。
美肌御膳每位$1,000（2位起）
骨膠原燴五穀絲苗
用雞的腳、骨等部份熬成高湯骨膠原，冷凍後切成心形，放在五穀飯上，令骨膠原溶入飯中，中和飯的粗嚡感。
濃湯瑞裙海虎翅
濃湯以牙揀翅骨、雞、豬骨等熬足10小時，配海虎翅及滑溜的山瑞裙，湯味濃又能保留翅及山瑞裙的味道。
雪耳燉萬壽果
雪耳爽甜含豐富骨膠原，與木瓜冰糖燉1小時，滋陰清潤。
唐閣（23751133）
地址：尖沙嘴朗廷酒店一樓及二樓
媽媽心聲
Mandy：「食鮑參翅肚當然好，但唔想花太多錢，一朵康乃馨或心意卡已夠。」
啤梨：「每年囡囡和爹哋都會夾錢請食飯，曾叫過鮑魚魚翅，幾千蚊已經好夠咯！」
