羅霖、童愛玲和余若薇等昨日在理工大學，為「2008全港兒童故事演講比賽」擔任評判，今年已是第三年為比賽擔任評判的羅霖大感榮幸。談到三個兒子的近況，羅霖大嘆香港政府辦事緩慢，影響學生與家長，她一肚氣說：「兩個仔𠵱家讀緊新加坡國際學校，原本中學校址會搬到樹仁學校，但𠵱家都未批，反映政府內部溝通有問題，家長都好緊張。」
轟教育局冇指引
羅霖續說：「個細仔就擔心染手足口病，因為我個大仔兩歲幾染過，佢成個喉嚨都生滿，講唔到嘢，手腳都有，一個禮拜瘦十幾磅，照顧佢時流晒眼淚。𠵱家教育局完全冇指引，家長應該點做呢？我哋照畀錢，但就要自己睇新聞決定返唔返學，我決定禮拜一開始唔畀細仔返學。」
採訪、攝影：LawWaiMan