每次我買私家車或巴士模型，除咗要求造工好之外，像真度高低都係取決因素，只要同真車差無幾嘅，都會成為囊中物。今日我又有一個新目標，就係呢部63年款、屬AutoartSignature系列嘅1:18Mercedes-Benz600Pullman長陣豪華房車模型！佢像真度極高，車頭鬼面罩、胎軨以至車身線條，完全勾劃出60年代「直燈」Benz嗰種古典美。打開車門，嘩，不得了，原來唔只全部車門都開得，座椅同錶板陳設都同真車有99%似，而且座椅同窗簾仲分別用皮革同布做，至於實物中排座椅中央設有雪櫃，呢部模型車都做埋，櫃門可開可關，入面仲有幾個透明杯同酒樽㖭！Detail成咁，試問我又點會忍得住唔喺荷包拎錢出嚟買呢？不過第一批貨已經火速全部售罄，你都睇到心郁郁？咁就要預訂啦！
記者：鄭達基
攝影：陳盛臣
查詢：Autoart（28348100）