「天真妹」自從閃卡事件後，手頭上嘅工作已經全面停晒，雖然公司話佢進修緊，但關仁就八到佢根本日日匿喺屋企冇嘢做。雖然話有男友「呆佬」啫，但佢都唔陪得天真妹咁多，況且又擔心遇到狗仔隊俾人影到相，好似佢早排出街雖然已經戴晒黑超同口罩，都俾人影到相，搞到𠵱家連街都唔敢點去，成日喺屋企玩自閉。
師姐明燈引路
日日喺屋企呆坐都唔係辦法，天真妹師姐「蓉蓉」見佢咁慘，就提議學佢之前咁去美國紐約學跳舞，天真妹諗過再問過啲舞蹈員朋友，佢哋都好贊成，於是天真妹的起心肝諗住去學舞，所以近日佢都不時向蓉蓉同舞蹈員好友攞料，個人即刻變得積極咗，身邊人見到佢咁樣都戥佢開心，不過閃卡經手人「猩猩仔」都喺美國，美國咁大，關仁諗佢哋點都唔會撞到啩！
Textby關仁
