上個禮拜五花旗公佈嘅經濟數據唔差，美股繼續抽上，升幅雖然唔算大，但係道指升破13000關後企得穩，具有正面意義，短線美股仲可以睇好啲。
美元近期硬淨咗咁多，必定會吸引資金入市吸番啲美股，老實講，好多實力股已跌得好低殘，只要個市定番啲，投資者嘅信心強番多少，自然會有更多資金入市。美元轉強，油價嘅大勢都係要落，上個禮拜五油價只係技術反彈，可以買啲航空股C輪。
國航C輪5678：國航（753）現價6.27元，短線會試6.8元，破位就睇7.8元，可以諗吓隻C輪5678，現價14.6仙，槓桿率4.2倍（有效2.7倍）。
正股升上7.8元，5678可見25仙，正股跌穿5.7元就沽出隻輪止蝕。