踏入08年，港股都冇運行，大把散戶坐緊艇，雖然4月港股反彈，全個月升咗13%，不過，散戶認為呢個只係假象，網友趙先生就喺香港討論區度話：「五月……熊霸天下」，仲叫好友過馬路睇兩邊。
心水清嘅網友梗知佢攞電影《風雲》嚟玩「食字」，greenheadboy就話：「熊霸？風雲際會淺水游。」
講開5月，etkin亦提醒各位散戶，「五窮六絕七翻身」，等到7月先有得翻身，都唔知捱唔捱到。rickywong2005更話今日個市唔升反跌。狂言大鱷亦話：「星期一太多人睇升，佢就熊畀你睇。」
不過，梗有人唱反調，lollol22就話：「星期一大牛衝天」，你信邊個？