鄭欣宜昨日於將軍澳電視廣播城錄影無綫節目《亮相》，該節目原本下午3時錄影，但足足延遲45分鐘，因為欣宜仍在化妝整頭，問她為何延誤時間？她說：「我兩點幾就嚟到，你哋唔好屈我呀！」至於有報道指她與外籍男友分手，她說：「最初係雜誌話我哋拍拖，分手都係雜誌寫㗎！我向來都唔鍾意講呢啲話題。」
再撐秋官
對於有報道指秋官早前陪同太太官晶華出席女兒鄭詠恩所擔任模特兒的時裝騷，反而欣宜為品牌Longchamp行騷當日，秋官卻未有撐場，此事令欣宜不開心，欣宜說：「我嗰日行fashionshow係一個工作，但佢(鄭詠恩)行嘅係學校活動，即使媽咪喺度我都唔會叫人去睇，所以我唔會嬲。」
採訪：王崇穎
攝影：陳順禎