陳冠希（Edison）胞姊陳見飛昨日現身尖沙嘴新太陽廣場，與動漫Maggie（李曼筠）及莊思敏出席母親節活動，她透露其弟近況：「之前大家一齊喺溫哥華，不過佢成日飛嚟飛去，去開會、試鏡，上次見佢好似老咗10年，𠵱家肥番，心情好番晒，件事發生有佢理由，將來會更加好。」
「佢平和咗」
問到Edison信基督教一事，陳見飛說：「全家都信晒，嗰段時間，佢日日祈禱，希望件事快啲冇事，雖然唔係perfect，但都有個好啲結果。」Edison的祈禱內容是否認錯？陳見飛說：「唔知佢講啲乜，會祈禱，佢個人都平和咗同埋好正面。」記者問她Edison會否返港出席淫照案的聆訊，她說：「一定會。」有指失去Edison的經濟支持，她要大屋搬細屋，她否認說：「因為朋友有間屋有海景先搬，完全唔關事。」
此外，DJTommy和農夫前晚在旺角出席活動，之前有傳Tommy本周五結婚擺酒，他話：「你哋點知㗎？」但詳情他就不想多談。那麼陳冠希（Edison）會否來飲？Tommy說：「唔會啦，佢都唔喺香港。」他又指現在他們靠email聯絡，公司運作並沒受影響。
採訪、攝影：顏英儀、胡比