謝霆鋒昨日到大球場出席活動時，被問到疑似藝人淫照的經手人陳冠希信了基督教藉此「洗底」，霆鋒表現冷淡表示這並非一件為香港爭光的事，故此不會多言。
劉德華、謝霆鋒、李克勤、方力申和周筆暢昨日到大球場出席「心繫奧運中華青年大聯歡」，華仔擔任主禮嘉賓主持開幕儀式，並帶領宣讀五四宣言。
霆鋒則身穿白色西裝，在舞龍舞獅助興下演唱《黃種人》，問到一身打扮是否老婆張栢芝為他準備？霆鋒說：「今次好急，由助手搞。」對於陳冠希（Edison）信了基督教，霆鋒沉思數秒後答：「第一我唔知道，我唔睇娛樂雜誌，唔理呢啲嘢。」會否覺得Edison信教後可「改邪歸正」，霆鋒冷笑說：「其實第一，我冇必要再答呢啲問題，我難得喺香港出現，出席2萬幾人嘅盛事，要我回答一樣過去咗嘅嘢，唔係為香港爭光嘅事，咁關我乜事？」問霆鋒有否信教？他表示信四面佛，記者提起栢芝也信教，霆鋒即笑說：「佢信我！你信唔信？信咪得囉。」
華仔幫賣魚蛋
華仔則被問到知否湯鎮業再婚，他說：「今日睇報紙先知，可能佢想低調，我問其他三虎都唔知，佢哋都有搵佢，但都冇覆。」會否補送禮？華仔笑言可免費為對方賣的魚蛋拍廣告。談到日前傳聖火，華仔說：「我都唔敢睇，因為大會話唔可以gel頭，我唔想睇到披頭散髮個樣。」克勤則謂經常跟謝安琪和郭晉安交流湊仔心得，他坦言心掛囝囝，現在都不捨得到外地工作，他說：「除非好多錢，我好易畀錢收買。」
此外，周筆暢前晚在灣仔會展與徐小明演出中華民族文化周活動後，昨早又與方力申在金紫荊廣場出席活動，她謂大前日有到彌敦道看火炬傳送，但人太多看不清楚。徐小明前晚搖大旗唱歌，他謂沒有看陳志雲傳聖火，對於陳志雲被網友笑跑步時婀娜多姿，徐小明說：「係咩？我唔知，我表演就唔會婀娜多姿，個人風格啫。」
採訪：駱華齡、何慧斯、王連連
攝影：陳偉權