資深歌手薰妮雖移居加拿大多倫多，但不時回港，除了與老友聚首，她更樂於以歌聲娛樂觀眾。去年承認子宮生瘤的薰妮近日身體忽然腫痛，導致行動不便，需要經常進出醫院接受治療，她形容病情嚴重時，令她痛不欲生。
早年已移居多倫多的薰妮，近年偶爾以玩票性質回港參與幕前演出，去年8月她在港出席一個慈善活動時，透露子宮生瘤，流血不止，入院時要輸幾包血。而近日有消息指薰妮患上怪病，全身腫痛，面色很差，甚至行動不便，現已返回多倫多接受治療及休養。
留醫面容憔悴
早前有見過薰妮的朋友形容她面容十分憔悴，身體狀況欠佳，情況令人擔心。記者日前致電給身在多倫多的薰妮，慰問她的健康狀況，薰妮說：「我嘅手腳腫痛得好犀利，之前喺香港住咗一排醫院，有啲演藝工作都要臨時推咗。我成日都見攰，有時啲骨痛到郁唔到。」
問薰妮這次生病，與之前子宮生瘤有關嗎？她說：「子宮生瘤冇晒事啦，呢次身體出現腫痛，其實醫生都未真正搵到病因。我之前喺廣州拍電視劇，唔小心跌親，對腳忽然瘀黑晒，痛到行唔到路，跟住冇幾耐返咗多倫多休息，又患咗感冒，身體一路都唔好，我上次返香港落機嘅時候，雙腳痛到行唔到要坐輪椅㖭！我早排又入咗法國醫院住咗十幾日，醫生話我係感冒菌入骨，導致類風濕關節炎，醫生話成因有好多，好難根治，手尾好長㗎。」
家人支持鼓勵
薰妮繼續說：「我每日瞓醒先至知道自己嘅狀況，有時好好，可以行得到路，有時就差到由頭腫到落腳，痛到冇晒心機，我嗰刻都想一走了之，唔想捱。」雖然薰妮受病魔煎熬，尚幸她得到家人無限量的支持和鼓勵，所以仍能堅強面對。臨收線前，她叮囑記者：「不要寫得太嚴重，我怕關心我嘅朋友睇報紙報道後會好擔心。」薰妮早前還力撐在美國登台，她說：「好彩表演嗰日精神都唔錯，觀眾都好支持我，係最大嘅動力。」
採訪：比華利
