衞冕西甲在望的皇家馬德里，理論上只要周日作客擊敗奧沙辛拿，便可提早封王；但考慮皇馬下仗國家打吡戰主場對巴塞隆拿，或將捧盃派對推遲，加上奧沙辛拿要搏命搶分護級，受讓平/半寧捧主隊。（球賽編號：星期日58；有線61及64台明日3:00am直播）
皇馬近期客績麻麻
皇馬（75分）已領先聯賽榜次席維拉利爾10分，只要今仗贏波便提早封王，但對皇馬職球員來說，沒有甚麼比下仗擊敗宿敵巴塞隆拿，在主場高舉聯賽錦標來得「過癮」。
此外，皇馬近期客場作賽未有太大說服力，近3仗只取得1勝；今仗亦有中場大腦古廸料因傷肯定缺陣，雲尼斯達萊未必趕及復出，縱有簡拿華路停賽期滿復出，也不宜追捧。
主隊護級必搏殺
奧沙辛拿上仗大敗予華倫西亞，連輸兩仗，加上護級對手紛紛成功搶分，重現降班威脅；而且今仗亦有中場桑法蘭托里斯停賽，前鋒戴地因傷料缺陣。
不過從陰謀論看，奧沙辛拿甚多前皇馬球員，如查維加西亞、哥拉利斯及樸廸路等，兩會關係千絲萬縷；論賠率，皇馬只少讓平/半，似乎亦好分過頭，今季皇馬讓平/半賽事，盤路只得一贏三輸；一於博皇馬「放分」予對手，取下盤。文：牽牛
星期日58
奧沙辛拿vs皇家馬德里 1：1
半全場：和/和
盤口：奧沙辛拿受讓平/半
讓球：下盤