運輸署噚日舉行傳統車牌拍賣，可能近年頻頻舉行車牌拍賣，市民又可以自訂心水車牌，所以拍賣反應唔算熱烈。全日共270個車牌拍賣，最高價係48萬元嘅「XX77」，經過約20口叫價，由一位唔願意透露身份男士投得；其次係30萬嘅「MM8」，位靚女買家對鏡頭好敏感，叫價時一直耷低頭，唔願上鏡，競投後急急腳走人。
噚日有唔少靚牌推出，好似「JB88」、「XX3」同「DD234」等，但竟然冇人舉手，結果要收回。呢幾個牌雖然幾特別，但可能底價要四萬至八萬元，買家嫌價錢貴，不如自訂車牌，畀五千蚊勾個真正心水牌仲好，隨時底價成交。