薩拉戈薩坐擁廸亞高米列圖、沙柏達及艾耶拉等頂級球星，上季亦以第6名完成賽季，更取得歐協盃參戰資格，想不到目前已跌至18位的降班區域，而餘下秩序對手不弱，護級形勢令人擔心。
其實，今季薩軍攻力佔聯盟前7名，只是季前有中堅米列圖轉投巴塞隆拿，致前面入埋唔夠後面輸，34戰暫失55球可見一斑。
餘下4仗對手不弱
西甲只餘下4輪賽程，今晚薩軍迎戰要爭歐協資格的拉科魯尼亞難踢外，其餘3仗對手為華倫西亞、皇家馬德里及馬略卡，失分機會頗高。尤其下輪作客華倫西亞的「6分波之戰」，對手同樣未脫離降班區域，加上上場有暫代教練禾路首次領軍，即大勝奧沙辛拿3:0，似乎薩軍要在米斯達拉球場全取3分，可謂難度極大。
戰畢華倫後，「可幸」主場遇上皇馬，因屆時料對手已奪得聯賽冠軍，爭勝心態肯定一般，但亦須留意沙維奧拿及希古恩等後備兵的威力。至於煞科戰一役，又是要到訪主場威力強勁的馬略卡，早前這支小島球隊已殺退前列的桑坦德，故薩軍要護級實在牙煙。
文：畢傑