阿姐汪明荃昨日負責星光大道聖火傳送路段，昨午她戴上有奧運標誌headband抵達現場，十分搶鏡，引來在場打氣的小學生歡呼吶喊。事後阿姐接受記者訪問時說：「好興奮，噚晚瞓唔着，今日成個氣氛俾我好大感受，真係辦緊大事。最開心係聽到大家叫中國加油。」
稱畢生難忘
阿姐表示明日出席在天水圍舉行的「小小五四運動會」時，帶同火炬到場讓小朋友們觸摸。
負責青馬大橋路段的陳志雲，昨日傳遞聖火時全程笑容滿面，他事後說：「畢生難忘，本來之前落雨，後來我哋跑嘅時候停咗，過程好順利。雖然我哋跑青馬大橋嗰班好似梁振英同李澤鉅咁個個年過40，但大家坐旅遊巴去青馬大橋嗰陣，都好似小學生去旅行咁興奮。」
此外，昨日有網友批評陳志雲的跑姿，taikoo1987說：「我見佢跑到扭扭吓，動作有啲怪。」
採訪、攝影：藍文浩、娛樂突發組