佘詩曼和馬浚偉昨日在澳門出席英皇鐘錶珠寶的「身驕玉貴」珠寶首飾預展，二人化身模特兒示範名貴鑽飾，穿上露肩裙的阿佘先戴上一套價值658萬的紅寶鑽飾，馬仔則戴上共值205萬的鑽石手鏈及戒指。馬仔大讚阿佘很靚，阿佘則鬼馬地說：「多謝，就呢套。」馬仔聞言答：「咁你畀我拍三年戲，拍多30、40套劇先夠錢送畀你。」
求學獲贈鑽戒
阿佘表示早年到瑞士讀書時首次獲贈鑽飾，她說：「有個男同學除咗佢戴住嘅鑽石戒指向我跪地求婚，我都冇同佢拍拖梗係冇答應，不過嚇一跳之餘都幾感動。」其透露自己最貴的鑽飾是花了六位數字買的耳環。之後阿佘再換上一套值754萬的鑽飾，明艷照人。
馬仔則坦言較鍾情翡翠玉石和手錶，但也對手上約值13萬的手鏈感心動，問到昨日的酬勞夠不夠買？他笑說：「都夠嘅！」他又稱曾送過一粒兩卡鑽石給女仔，坦言買時感肉赤，但見對方開心，自己也滿足。
採訪、攝影：陳順禎