劉德華和陳慧琳等人昨完成火炬手任務後，乘坐大會旅遊巴到文化中心休息，未幾基仔與小方一同步出離開，二人應記者要求站在門口與火炬合照時，吸引半百市民圍觀，聚集人群越來越多，為免引起混亂，二人未接受訪問便離開。後來Kelly步出時應要求在紙筒內拿出火炬拍照，誰知旁邊出現大批圍觀者，更有怪手伸出欲搶火炬，情況混亂，Kelly即由助手陪同登車離開。
華仔慘遭扑頭
昨午陳慧琳再到沙田馬場出席表演活動時，談到在文化中心的遭遇，她說：「當時有個途人一手罩住我支火炬個頂，好彩支火炬重佢拎唔走，我即時望住佢，佢就縮手啦，當時我都呆一呆，𠵱家支火炬係寶嚟㗎。同埋有另一個途人又拎走咗個盒，我助手即時追住佢問佢拎返，佢都立即畀番助手，班fans見到咁混亂都叫我快啲走。」
而華仔離開文化中心時場面趨於失控，近200市民將他團團包圍，其中大部份是自由行旅客，華仔被迫至一條大柱旁，其助手及司機站在前面護衞。華仔接受訪問時，圍觀市民又爭相拿出相機及手機拍照，混亂間華仔頭部被一部手機撞擊了一下，他低呼一聲：「哎吔！」助手見狀將他送上車離開，但市民熱情不減，將其車子密封包圍，爭取透過車窗望清楚華仔，擾攘十多分鐘後，華仔的座駕才順利離開。