正常人一定要做運動，尤其身子弱嘅朋友，畢傑早排返西環踢衞生波，重遇一眾舊好友，竟然見到一個驚世大奇迹。
識咗多年嘅老死殺手，佢本身濛眼、戴眼鏡、高高哋、但成個人嘅特徵係瘦！踢波一向成嚿豆腐嘅佢，俾對手一掂即傷即跌，嗰日見番佢竟然硬淨咗好多，果然做多咗運動人都唔同晒。不過喺我眼中，佢都只係一嚿煎過嘅豆腐（層皮硬咗少少啫）。
殺手脫胎換骨，畢傑都要多做運動，放工不時約舊同事18Jack篤波，近10場對賽係9:1。咁強弱懸殊嘅對決，里昂贏硬。
主客和：里昂勝
心得：實力相差太遠
近5場往績：贏輸輸輸贏
畢傑
就算朗拿度點沉淪，我依然最愛呢個死肥仔；聖西路小天地唔啱你，請過祖記。