太多人講過荒謬到無倫嘅火炬手名單，我只想補充一點，有人質疑「最佳配角」冇理由做到火炬手，計我話，淨係睇佢過去好落力推動傷殘人士運動，據聞又曾經好努力咁練過保齡球想參戰亞運，就算唔成功都努力過，單係呢份精神已夠照。如果佢都唔配，更多牛鬼蛇神仲唔配。
講起佢，就令我諗起恩沙基，佢又係曾經擔正做主角，𠵱家低調咗做配角（主角？當然係卡卡）一樣有料到，我估佢禮拜日場米蘭打吡實有波入。呢場波，投注策略首選「大」，勝負就留番明日先講。
大細：AC米蘭大
心得：AC鬥宿敵多波入
近5場往績：輸贏輸贏贏
藍鑽石
忙於為與簡拿華路同日生的囡囡換片、掃風，但睇意甲，一場都不能少。