NBA季後賽展開，我最愛的傑特所率領的小馬又首圈落敗，教練艾菲利莊遜成為代罪羔羊，慘被炒魷；講真艾菲利莊遜領軍唔差，換傑特呢個決定又唔係佢拍板，希望呢位小將軍盡快搵到新東家。
足球世界一樣，有成績就捧到上天，一冇成績就好似過街老鼠，好似列卡特，當年幫巴塞贏完西甲贏歐聯，何等風光，連續兩屆四大皆空，已有季尾離隊傳聞。熱刺嘅拉莫斯，幫球隊贏咗聯賽盃，享受緊蜜月期，但個心已集中來季組軍；小弟在本欄連續追熱刺兩次對家，一贏一走，今次都唔例外。
讓球：雷丁（平）
心得：繼續追熱刺對家
近5場往績：贏走輸輸贏
牽牛
施丹退休，頓感失落，期待阿仙奴的法比加斯他朝有此神乎奇技。