喺西藏珠峯遇車禍嘅王喜噚日接受商台電話訪問，佢話因肺葉受傷唔可以登山同坐飛機，驚啲氣壓轉變會出現肺水腫。 喺訪問途中王喜仲不斷發出呻吟聲，原來係因為佢啲血管太幼，護士一直插唔到針幫佢吊營養液，所以影響到。據知，王喜會到拉薩嘅醫院再次做檢查，如果情況許可，可能會安排佢坐醫療專機飛返香港。