陳柏霖模特兒女友MandyLieu久未露面，昨日現身護膚品活動，她透露早前獨個兒去了日本發展兩個月，要靠長途電話及上網聯絡慰相思。之後Mandy到台灣探男友，未來奶奶更親自下廚煮她喜歡的食物，令她重了八磅，上圍也升了cup。
陳柏霖模特兒女友MandyLieu、名模姚書軼、AnaR.及鄭融，昨日現身銅鑼灣時代廣場，出席護膚品SK-II活動。久未露面的Mandy透露近況說：「之前去咗日本發展兩個月，柏霖有陪我一齊去，之後佢要返台灣開戲，分開咗，所以都有成六個禮拜冇見，日日都要通電話、上網聯絡。」問她在日本賺到的錢，會否已花光在電話費上，她笑說：「啱啱好，所以特登搭車去買一啲平啲嘅電話卡，平成40%。」
嫌在港太幸福
問到在日本發展的成績如何時，Mandy說：「拍咗個染髮劑廣告，其實當自己又開始唔記得自己幾幸福時，就想去日本，因為同喺香港好唔同，喺日本好辛苦同好大壓力，做嘢唔可以遲到，要keep住狀態perfect，好守規律，返到嚟都professional啲，提升自己同珍惜啲。」
完成日本工作後，Mandy便到了台灣探柏霖母親，她說：「所以肥咗7、8磅，有啲水腫，因為柏霖媽咪成日都煮嘢畀我食。」記者笑她上圍勁了不少，她說：「係肥咗，都值得，仲升咗cup。」至於柏霖母親有否向她催婚，她說：「順其自然。」
鄭融想變淑女
此外，個子短小的鄭融昨日穿了四吋高踭鞋「增高」，與同場的Mikki及Ana相比，依然比下去，鄭融說：「不嬲自己都會着高踭鞋出席活動，不過你着嗰時，人哋都會着，始終女仔都係着高踭鞋貪靚。」問她是否想走淑女路線，她說：「不知不覺走都唔出奇，要有啲變化，女大十八變，自己都readyforchange。」
採訪：LawWaiMan
攝影：DickyChan
